.google doodles

தெரியுமா கூகில் டூட்ல்?

கூகில் தேடற் பொறியின் லோகோவை இணைய பயனர் எவரும் இலகுவில் மறக்க மாட்டார்கள். எனினும் சில நாட்களில் இந்த வழமையான லோகோவுக்குப் பதிலாக வெறொரு லோகோவினை கூகில் தளத்தில் பயன்படுத்தப் பட்டிருப்பதை  அவதானித்திருப்பீர்கள். சில வேளை அது ஒரு எனிமேசன் படமாகவும் இருக்கும். இதற்கு கூகில் டூட்ல் (doodle) எனப் பெயரிடப்பட்டிருக்கிறது. 

இந்த கூகில் டூட்ல் சில விசேட நாட்களிலும்., உலகப் புகழ் பெற்றவர்களை நினைவு கூறுவதற்காகாவும், உலகில் சில விசேட நிகழ்வுகள் நடைபெறும் போதும் கூகில் தளத்தில் இடம் பெறும். மிக சிறப்பாக வடிவமைக்கப் பட்டிருக்கும் இந்த கூகில் டூட்ல் இரண்டொரு தினங்கள் மட்டுமே கூகில் தளத்தில் நீடிக்கும். பின்னர் வழமையான லோகோவைக் காண்பிப்பார்கள். முன்னர் பதிப்பித்த கூகில் டூட்ல அனைத்தையும் கூகில் தனது வேறொரு இணைய பக்கத்தில் வெளியிட்டு வருகிறது. அவற்றை www.google.com/doodles/ எனும் இணைய தள்த்தில் காணலாம். கூடவே அவை பற்றிய மேலதிக தகவல்களையும் கூகில் இங்கு வெளியிட்டு வருகிறது.

-அனூப்-