இன்ஸ்டாகிராம் லைட் இலங்கையிலும்
Instagram Lite is going global எல்லோருமே சமீபத்தில் வெளிவந்த ஸ்மார்ட்போன்கள் வைத்திருப்பதில்லை. சில நேரங்களில் நாம் பயன் படுத்தும் மொபைல் தொலைபேசிகளில் போதிய சேமிப்பிட வசதி இல்லாமல் போய்விடுகிறது அல்லது முடிந்தவரை குறைந்த ஃபைல் அளவு கொண்ட பயன்பாடுகளையே பயன்படுத்த விரும்புகிறோம். மேலும் சில தொலை தூர கிராமப் புறங்களில் அதி வேக இணைய இணைப்பு கூட கிடைப்பதில்லை. இதன் காரணமாகவே சில உயர் ஃபைல் அளவு கொண்ட செயலிகளின் லைட் வர்சன் எனும் பதிப்பும் வெளியிடப்படுகிறது.
பேஸ்புக் நிறுவனம் தனது 2MB அலவிலான இன்ஸ்டாகிராம் லைட் செயலியை தேர்ந்தெடுக்கப்பட்ட சில நாடுகளில் சந்தைகளில் நீண்ட காலமாக சோதித்து வந்து. த, இப்போது, இறுதியாக உலகெங்கிலும் 170 நாடுகளில் இதை அதிகாரப்பூர்வமாக அறிமுகப்படுத்தியுள்ளது.
புதுப்பிக்கப்பட்ட பயன்பாட்டை உருவாக்க ஒரு சர்வதேச குழுவுடன் இணைந்து பணியாற்றியதாக இன்ஸ்டாகிராம் தனது அறிவிப்பில் பகிர்ந்துள்ளது.
கோவிட தொற்றுநோய் காரணமாக தனது குழுவினருக்கு வெளியே செல்ல முடியாததால் வெளியீட்டுக்கு முன்னரான சோதனைக்கு பழைய, பலவீனமான தொலைபேசிகளை தனது அணிக்கு விநியோகித்தது மற்றும் அனுபவத்தை எவ்வாறு மேம்படுத்துவது என்பதைக் கண்டறிய ஸ்பாட்டி மற்றும் பலவீனமான இணைப்புகளை உருவகப்படுத்தியது.
இன்ஸ்டாகிராம் லைட் செயலியில், பல சிக்கலான மற்றும் அதிக தரவுகளைப் பயன் படுத்தும் அம்சங்கள் சேர்க்கப்படவில்லை. எனினும் இருண்ட பயன்முறையைப் பெற்றுள்ளது.
மறுவடிவமைப்பு செய்யப்பட்ட பயன்பாட்டை எந்த 170 நாடுகள் பெறுகின்றன என்பதை பேஸ்புக் குறிப்பிடவில்லை, ஆனால் நிறுவனம் மெதுவான இணைய வேகம் மற்றும் அதிகமான கிராமப்புறங்களில் கவனம் செலுத்தியதாக கருதப்படுகிறது.
இருந்தாலும், இன்ஸ்டாகிராம் லைட் செயலியை "உலகளவில் விரைவில்" பெறலாம். மேலும் பிராந்திய கட்டுப்பாடுகளைத் மீறி நீங்கள் APK Mirror தளத்திலிருந்து APK பதிப்பையும் பதிவிறக்கம் செய்து பயன்படுத்தலாம்.
